Pas Durrësit, Kryeministri Rama u ndal ditën e sotme edhe në Shkodër, tek Harku i Bërdicës për të parë nga afër situatën e krijuar nga reshjet e dendura të shiut gjatë ditëve të fundit. Pikërisht në këtë vend, krahasuar me vitin 2010, përballë prurjesh të ngjashme, situata në terren është krejt tjetër.

Në një bilanc krahasimor me atë vit, nga 12 mijë banorë të evakuar atëherë, sot janë vetëm 22, nga 2800 banesa të përmbytura, sot nuk ka asnjë shtëpi të mbuluar nga uji, nga 14 mijë hektarë të përmbytur, sot janë vetëm 1 mijë e 300 hektarë – të gjitha këto, sipas të dhënave zyrtare të publikuara nga vetë Bashkia Shkodër.

Nisur nga këto fakte, Kryeministri Rama tha se situata e tanishme e krijuar nga këto reshje, nuk ka të krahasuar me atë të 2010-s. “Nga informacioni që mora unë para një ore, do ketë sërish reshje të tjera, fillojnë nga mesnata dhe vazhdojnë prapë gjatë natës, do ketë pak problem. Por ajo që është për të vënë duart në kokë, është shtrembërimi  i qëllimshëm që i bëhet situatës nëpër kanale, nëpër portale, një tërbim edhe një kombinim i padijes me ligësinë që këtu është bërë një qamet i madh, ndërkohë që krahasuar me të pakrahasueshmen në fakt të 2010-ës, është një situatë e paimagjinueshme domethënë, s’ka krahasim.” –u shpreh ai.

Ndërsa, Prefektja e Qarkut të Shkodrës, Majlinda Angoni theksoi se gatishmëria e strukturave të posaccme të ushtrisë, ka qenë në nivelin e duhur për t’ju përgjigjur në kohë dhe me efikasitet nevojës për ndihmë nga qytetarët. “Paradoks është sepse në momentin që dizinformojnë opininionin sepse këtu, përveç ndihmave që erdhën nga Tirana, kanë qenë non stop Komandanti, FNSH me mjetet, jo vetëm me makineri, por edhe me mjete lundruese.”

Ndër të tjera, Kryeministri Rama kërkoi një angazhim më të madh të strukturave vendore të Shkodrës, për t’ju përgjigjur situatës në mënyrën e duhur. “Nga pikëpamja e reagimit institucional në kuptimin e gjithë strukturave që ka vënë shteti këtu, nuk kemi ccfarw të diskutojmë sepse këtu është një sistem dhe vihet në lëvizje e gjitha vetvetiu sipas niveleve të planit. Kanë bërë sakrificë si gjithmonë domethënë pa asnjë rezervë. Kjo është, pa diskutim, ajo që duhet thënë. Sidoqoftë,  prapë janë hektarë të përmbytur, por të mos harrojmë që në rast se në zonat e tjera ne kemi një ndryshim komplet të sistemeve të kanalizimeve, të kullimeve etj etj, këtu është bërë, çfarë është bërë nga strukturat qëndrore, ndërkohë që në nivel të struktruave vendore me thënë të drejten kemi pasur gjithmonë problem dhe nuk dua fare as të fajësoj njeri, as të t’i vë gishtin njeriu, po faktikisht të thuash se kjo erdhi si reuzultat se u përmbyt dynjaja, u bë qameti nga kaskada, ky është një skandal më vete.  Ne kemi parë të gjitha shifrat, të gjitha lëvizjet e shkarkimeve, dhe është bërë çmos nga specialistët, jo nga ne, se ne nuk merremi as me ngarkime, as me shkarkime, po nga specialistët është bërë çmos që të mos mbivendoset shkarkimi me prurjet natyrore, pra të rrijë gjithmonë në nivel të balancuar dhe faktikisht njerëzit mund ta bëjnë vetë diferencën, duke kuptuar çfarë ishte dhe çfarë është, po unë në fakt desha të falenderoj të gjithë këta që janë këtu, të falënderoj edhe natyrisht të vazhdojmë punën dhe të ofrojmë maksimumin e solidaritetit, mbështetjes edhe për strukturat vendore, të bashkisë.